Ақмола облысы кәсіпкерлер палатасының алаңында сауда объектілерінде бейнебақылау жүйелерін енгізу мәселелері талқыланды
Кездесу бизнес субъектілері, облыстық прокуратура, облыстық полиция департаменті өкілдерінің өзара іс-қимылы аясында өтті.
Қазіргі кезде объектілерде бейнебақылау камераларының болуы уақыт талабына айналды. Әсіресе сауда объектілеріне қауіпсіздік шаралары қажет. Қазіргі уақытта камералар кез-келген дүкен, сауда үйлері, қоғамдық орындарда орнатылған. Сонымен қатар, цифрлық технологиялар саласындағы мамандар бір қадам алға ілгеріледі.
Енді адамның бет биометриясын оқитын және жеке басын анықтайтын бағдарламалық кешендер пайда болды. Кәсіпкерлік қызмет объектілерінде кісіні бет-әлпетінен тану функциясы бар бейнебақылау камераларын орналастыру мүмкіндігі туралы облыстық прокуратураның жедел-іздестіру қызметін қадағалау басқармасының бастығы Арман Садыханов хабарлады. Спикердің айтуынша, бүгінде Қазақстанда 2 мыңнан астам қылмыскер іздеуде жүр. Қылмыскерлердің фотосуреттері бар іздеу тізімдері бүкіл ел бойынша 2000 камераны қамтитын 420 нысанға жүктелген. Бет-әлпетін тану функциясы бар камераларды енгізуден кейін үш ай ішінде 40-қа жуық қылмыскер, оның ішінде он жылдан астам уақыт бойы іздеуде жүргендер ұсталды.
«Сіздердің әрқайсыңыз тәртіп бұзушылықтарға, қылмыстарға тап болдыңыз, содан кейін полиция қызметкерлері бақылау камераларыңызды қарап шықты. Бет-әлпетті тану функциясы бар камераларды қолданудың бірнеше артықшылығы бар. Біріншіден, бұл іздеу уақытын қысқартуға және қылмыскерді ұстау ықтималдығын арттыруға мүмкіндік береді. Екіншіден, бұл құқық қорғау органдарының қызметкерлеріне жүктемені азайтады. Сондықтан сіздің азаматтық позицияңыз бен ұстанымдылығыңыз маңызды», - деп атап өтті Арман Садыханов.
Ақмола облысы ПД криминалдық полиция басқармасының бастығы Сағындық Жантеміров тергеу, анықтау немесе соттан жасырынған адамдарды іздестіру бойынша жүргізіліп жатқан жұмыстар туралы айтты. Спикер Көкшетау қаласында 25 жылдан астам іздеуде жүрген қылмыскерді ұстау фактілерін бөлісті. Қылмыскер сыртқы түрін өзгертіп, басқа төлқұжат деректерінің астында жасырынған. Сағындық Жантеміровтің айтуынша, бет-әлпетті тану және ІІМ базаларының ақпараттық деректерін тексеру жүйелерінің мүмкіндіктері оны кейінге қалдыруға мүмкіндік алды.
Кездесу барысында камералармен жұмыс істеу және деректерді өңдеуге маманданған компаниялардың жұмысы таныстырылды.
«Бейнебақылау жүйесінің болуы бүгінде бизнесті дамытудың ең қауіпсіз тәсілдерінің бірі. Басты артықшылықтар – тәртіпті қамтамасыз ету, тауарлардың ұрлануы мен жоғалуының алдын алу, сондай-ақ уақытты тиімді басқару, қызметкерлердің өнімділігін арттыру», - деп түйіндеді өңірлік палата директорының орынбасары Расул Сыздықов.
Пікір қалдыру:
Пікірлер: