Ақмола облысының кәсіпкерлер палатасы кеңес беру және сервистік қызмет көрсетуді жалғастырып жатыр
«Атамекен» Ұлттық палатасының басымдықтарының бірі - бизнеске қаржылай емес қолдау көрсету. Жыл басынан бері Өңірлік палатаның жанындағы Кәсіпкерлерге қызмет көрсету орталығына сервистік қолдау бойынша 150-ден астам клиент жүгінді. Салыстыру үшін, өткен жылдың осы кезеңінде 64 өтінім беруші қызмет алды.
Ақпараттық қолдау бойынша 942 қызмет көрсетілді, өткен жылдың осы кезеңінде – 1077 қызмет көрсетілген. Өзіне-өзі қызмет көрсету аймағында 500-ден астам қызмет көрсетілген.
Негізінен кәсіпкерлер жеке кәсіпкерлік ашу, алкоголь өнімін өткізу үшін лицензия алу, салықтық және статистикалық есептерді тапсыру, кәсіпкерлікті дамыту жөніндегі 2021- 2025 жылдарға арналған ұлттық жоба шеңберінде грантқа өтінімдер беру, сондай-ақ мемлекеттік бағдарламалар бойынша консультациялар алу үшін жүгінеді.
Еске салсақ, Ақмола облысында 20 кәсіпкерге қызмет көрсету орталығы жұмыс істейді. КҚКО барлық аудан орталықтары мен Степногорск және Қосшы қалаларын қамтиды.
Сервистік қолдау аясында кәсіпкерлер:
бухгалтерлік қызметтер бойынша кеңес беру;
заң мәселелері және конкурстық (тендерлік) рәсімдер;
мемлекеттік қолдау шаралары және жобаларды сүйемелдеу жөніндегі қызметтер туралы ақпарат;
бизнес-жоспарларды әзірлеу бойынша қызметтер.
Барлық қызмет үздіксіз және өтеусіз негізде ұсынылады. Сонымен қатар, бұл қызметтерді офлайн және онлайн режимінде алуға болады. Ыңғайлы болу үшін бизнес өкілдерінің КҚКО-ға кіруге немесе g4b.kz сайттың қызметтерін пайдалануға мүмкіндігі бар. Бұл ретте қызмет алушының өзімен бірге тек электрондық цифрлық қолтаңбасы және жеке басын куәландыратын құжаты болуы қажет.
«Өткен жылдың қорытындысы бойынша сервистік қолдау бойынша 1170 қызмет көрсетілді немесе жоспар бойынша 129,4% (2023 жылға арналған жоспар - 904 қызмет). Оның ішінде бухгалтерия бойынша 529 қызмет, маркетологтың 227 қызметі, заң мәселелері және конкурстық (тендерлік) рәсімдер бойынша - 165, жобаларды сүйемелдеу бойынша - 249 қызмет. Ақпараттық қолдау бойынша 12669 консультация немесе жоспарға 109,2% көрсетілді», - деп атап өтті Ақмола облысы Кәсіпкерлер палатасының директоры Ерқанат Мұсылманбек.
Барлық қызмет клиенттің өтініш формасына байланысты тіркеледі. Офлайн қызметтер CRM жүйесінде тіркеледі. Бұл тұтынушылармен қарым-қатынасты басқару жүйесі - тұтынушылармен өзара әрекеттесу стратегияларын автоматтандыруға арналған ұйымдарға арналған қолданбалы бағдарламалық құрал. Атап айтқанда, сату деңгейін арттыру, маркетингті оңтайландыру және тұтынушыларға қызмет көрсетуді жақсарту, тұтынушылар туралы ақпаратты және олармен қарым-қатынас тарихын сақтау, бизнес-процестерді құру және жақсарту, содан кейін нәтижелерді талдау.
Онлайн қызметтер G4B.KZ платформасында тіркеледі. Платформа әлеуетті және жұмыс істеп тұрған кәсіпкерлерге онлайн режимінде мемлекеттік қолдау көрсету үшін құрылған. Ол «бір терезе» қағидаты бойынша жұмыс істейді, бұл азаматтар мен заңды тұлғалардың қызметтерді алу ыңғайлылығын жеңілдетеді және арттырады.
Платформада бухгалтерлік, маркетингтік мәселелер бойынша онлайн-қызметтерді, заң мәселелері және конкурстық (тендерлік) рәсімдер бойынша қызметтерді, мемлекеттік қолдау шаралары туралы ақпараттандыру бойынша қызметтерді алуға болады.
Пікір қалдыру:
Пікірлер: