Логистика және тасымалдау департаменті
Логистика және тасымалдау департаменті – «Атамекен» Қазақстан Республикасы Ұлттық кәсіпкерлер палатасының құрылымдық бөлімшесі.
Департамент темір жол, автокөлік, әуе және су көлігі және көлік логистикасы мәселелерімен байланысты кәсіпкерліктің барлық субъектілері, заңды тұлғалар бірлестігі, ҚР ҰКП құрылымдық бөлімшелері, мемлекеттік органдар, жетекшілік ететін департаменттермен байланысады.
Логистика және тасымалдау департаментінің негізгі міндеті:
-
Көлік логистикасының негізгі бағыттарын құруға қатысу;
-
Қазақстан Республикасының көлік және логистика саласындағы заңнамасын жетілдіруге қатысты талдау жасау және ұсыныстар әзірлеу;
-
Көлік және логистика саласындағы өзекті мәселелерді шешу және осы саланы дамытудың негізгі стратегиялық бағыттары бойынша ҰКП-ның бірыңғай ұстанымын қалыптастыру үшін кәсіпкерлік субъектілері, қауымдастықтар және одақтармен ортақ пікірді дайындау;
-
Көлік және логистика саласындағы кәсіпкерлік субъектілерінің заңды мүддесі мен құқығын қорғау, ұстанымын білдіру;
-
Кәсіпкерлік субъектілері мен қауымдастықтардың (одақтар) көлік және логистика мәселесі бойынша мемлекеттік органдармен тиімді байланыс орнатуын ұйымдастыруға қатысу;
-
Мемлекеттік органдардың көлік және логистика саласын дамыту бойынша бағдарламалар мен жол карталарын әзірлеуіне және жүзеге асыруына қатысу;
-
Қазақстан Республикасының көлік және логистика саласында кәсіпкерлік бастамаларды жүзеге асыру үшін қолайлы құқықтық, экономикалық және әлеуметтік жағдайларды орнатуға ықпал ету.
