«Бір ауыл – бір өнім» жобасының ақмолалық финалистері өз өнімдерін елордада таныстырды
22-24 қазан аралығында Астанада Қазмедиа орталығының алаңында «Бір ауыл – бір өнім» республикалық көрмесі өтіп жатыр. Көрмеде өз өнімдерін еліміздің барлық өңірлерінен жобаның 2023-2024 жылдардағы финалистері ұсынды.
Ақмола облысынан республикалық көрмеге жобаның төрт финалисі қатысып жатыр., Көкшетау қаласының тұрғыны Эльвира Мұқашева 2023 жылғы жобаның финалисі. Ол ірімшік зауытын — органикалық сүттен жасалған қолөнер ірімшіктерін өндіруді қолға алған. Көрмеде ірімшік өнімдері ұсынылды. Қазіргі кезде ірімшіктерді қаланың мейрамханаларынан кездестіруге болады және оларды мамандандырылған ірімшік дүкенінен сатып алуға болады. Ірімшік зауыты негізінен жұмсақ ірімшіктер шығарады. Олар: буррата, моцарелла, рикотта, страчателла, халуми, сулугуни, және басқа түрлері. Ұлттық десерт – коспа да жасалады.
Айта кетейік, Эльвира Мұқашева республикалық, облыстық және қалалық жәрмеңкелерге белсенді қатысып, «Байтақ жер» жобасы аясында финалистердің бірі атанды. («Байтақ жер» экология, этникалық және агротуризм саласындағы кәсіпкерлікті қолдау есебінен ауылдық жерлерде халықтың экономикалық проблемаларын азайтуға бағытталған).
Көрмеге осы жылдың финалистері де қатысып жатыр. Атбасар қаласының тұрғыны Данияр Бисарин ұлттық стильде былғары және ағаш бұйымдарын жасайды. Атап айтқанда, садақтар, колчандар, арбалеттер, зергерлік бұйымдар, т.б. Оның жобасы бірден өңірлік конкурстық комиссияның мақұлдауына ие болды. Өйткені халық қолөнері әрқашан Қазақстанның бай көшпелі мәдениетінің көрінісі. Бурабай ауданының тұрғыны Гүлжан Болпанова бірегей емдік бал, шай, бальзам дайындаумен айналысады.
«Burabay baly» негізгі өнімі – Көкшетау тауларының етегінен жоғары сапалы, табиғи бал және ара шаруашылығы өнімдері. Гүлжан Болпанованың айтуынша, оның мақсаты – танымал отандық бренд құру, «Burabay baly» брендін ілгерілету және масштабтау, оны әлемдік нарыққа экспорттау.
Көкшетау қаласының тұрғыны Роза Гатагажева ұлттық десерт – ингуш халвасын өндіруге маманданған. Келіншек оны өндірумен 2021 жылдан бері айналысады. Халва тек үш компоненттен — табиғи май, қант және ұннан дайындалғанымен, процесс өте көп уақытты қажет етеді. Сонымен қатар, ол раушан гүлін кез-келген заманауи техникалық құралдарды пайдаланбай қолмен жасайды. Бүгінгі таңда Көкшетауда және, мүмкін, бүкіл облыста мұндай шынайы жобалар жоқ, өйткені нарық түрлі тәттілерге толы.
«Жобалар шынымен қызықты. Іріктеу кезінде конкурстық комиссия, ең алдымен, олардың өзіндік ерекшелігін, перспективалылығын, өнімнің таралу әлеуетін басшылыққа алды. Республикалық көрмеге қатысу осы өнімдердің одан әрі өсу нүктелерін қамтамасыз етеді», - деп атап өтті Ақмола облысы кәсіпкерлер палатасының директоры Ерқанат Мұсылманбек.
Пікір қалдыру:
Пікірлер: