«Атамекен» ӨКП алаңында Жапониядан келген инвесторлармен жаңа өндіріс құру туралы келіссөздер өтті

2024 жылғы 21 Қазан

- Алматы қаласы

1774 просмотров

Дереккөз: Алматы қаласының «Атамекен» ӨКП

Алматы облысының «Қайрат» индустриялық аймағында жеңіл материалдардан қаптама шығаратын зауыт салу жоспарлануда. Алматы қаласының «Атамекен» палатасы негізгі келіссөздердің диалог алаңы болды.

2023 жылғы 21 қыркүйекте Алматы қаласында кофе-машиналарға арналған алюминий кофе капсулаларын өндіру бойынша «ТАМА Caps» ЖШС құрылып заңды түрде тіркелді. Өндіріс серво пресс принципі бойынша жұмыс істейтін арнайы, патенттелген жабдықта жүзеге асырылады. Бір өндірістік желіге екі қондырғы кіреді. Біріншісі - алюминий фольгадан капсулаларды басып шығарады. Екіншісі-дайын капсулаларды тығыздап бекітеді. Компанияның қаржылық мүмкіндіктеріне сүйене отырып, зерттелген нарық пен өнімге деген қажеттілікті, сондай-ақ сату нарығын зерттей отырып, инвестор екі өндірістік желіні орналастыруды жоспарлауда.

Дайын өнім ЕАЭО кәсіпорындарына сатылатын болады, ал болашақта – шет елдерге импорттау жоспары бар. Инвесторлар тобы жобаға 1 млрд. 600 млн. теңгеден астам инвестиция салуға ниетті.

«Біз Алматы қаласының өкілдерімен, «Атамекен» басшылығымен, Алматы облысының даму орталығының өңірлік өкілдерімен жемісті кездесу өткіздік. Жапондық инвесторлар тобы өнеркәсіпке инвестиция салу арқылы Қазақстан экономикасын дамытуға мүдделі. Біз толық кеңес алдық, өзімізді, жапон жағын таныстырдық. Мен Жапон компаниясының Алматыда және жалпы Қазақстандағы уәкілі ретінде қызмет атқарамын. Менің ойымша, байланыс жіктері табылды, біз «Атамекен» Алматы басшылығы арқылы Астанаға тиісті месседж жібердік, Алматы облысының даму орталығы өкілдерінен, Алматы қаласының «Атамекен» палатасынан барлық қажетті консультациялар алдық. Алдағы уақытта іске қосылған жоба еліміздің экономикасы мен дамуына үлкен, серпінді қозғалыстың бастамасы ғана болады деп ойлаймын», - деп түсіндірді «ТАМА Caps» ЖШС директоры Ерлан Таласбаев.

Алматы қаласы «Атамекен» палатасының директоры Нұрсұлтан Шоқанов кәсіпкерлер палатасы өз тарапынан болашақта да барлық қажетті консультациялық және заң көмегін көрсетуге дайын екенін атап өтті.