Ақмола кәсіпкерлері атом электр станциясының салынуын қолдайды
Ақмола облысының кәсіпкерлер палатасының алаңында атом электр станциясының құрылысын қолдау жөніндегі облыстық халық штабы мүшелерінің бизнес субъектілері, ӨКП ұжымымен кездесуі өтті.
Кездесу барысында Қазақстанда атом электр станциясының құрылысы бойынша референдум өткізуге қатысты мәселелер талқыланды.«Аманат» партиясы облыстық филиалының басшысы Берген Беспалинов атап өткендей, еліміздің энергетика саласында электр энергиясының тапшылығына байланысты елеулі проблемалар бар. Соның салдары тариф белгілеуге әсер етеді. Бүгінгі таңда Қазақстанда электр энергиясын өндіру шамамен 112,8 млрд кВтсағ құрайды, бұл ретте оны тұтыну деңгейі тұрақты өсуде. Қазір электр қуатының тапшылығы тәулігіне 1 ГВт-тан асады, болжам бойынша 2035 жылға қарай энергия тұтынудың өсуі 25-30%-ға өседі. Спикердің пікірінше, атом станциясының құрылысы энергия теңгерімін қамтамасыз етеді, көптеген мәселені, соның ішінде экологиялық проблемаларды шешуге мүмкіндік береді.
Облыстың бас экологы, «ЭКО-DUMP» ЖШС директоры Мариям Әбішева қазіргі жағдайда атом станцияларын салудың артықшылықтары, олардың қауіпсіздігі туралы айтып берді.
«Ұлттық ядролық орталық», «Қазақстандық атом электр станциялары» ЖШС, Энергетика министрлігінің деректерін зерделей отырып, атом электр станцияларын салу пайдасына бірнеше айрықша дәлелдерді атап өтуге болады. Бірінші кезекте 2035 жылға қарай электр энергиясының тапшылығын жабу, көмірді пайдаланудан айырмашылығы атмосфераға қауіпті заттар шығарындыларының азаюы, сондай-ақ энергия ағындарының тұрақтылығы. Мемлекеттің экологиялық тұрақтылығы мен энергетикалық тұрақтылығы - негізгі аргументтер», - деп атап өтті Мариям Әбішева.
Дүниежүзілік ядролық қауымдастықтың (WNA) мәліметтері бойынша әлемде 31 елде орналасқан 439 белсенді атом реакторы бар. Олардың көпшілігі АҚШ, Қытай, Францияда. Қазір 64 ядролық реактор салынуда, олардың көпшілігі Қытайда - 30 энергоблок. Үндістан атом электр станциясының құрылысы бойынша екінші орында, онда 7 Блок. Ресей, Түркия және Мысырда төрт атом электр станциясы салынуда. Атом станциясын салу туралы шешімді Өзбекстан да қабылдады.
«Әрине, атом электр станциясының құрылысы біздің еліміз үшін үлкен стратегиялық маңызға ие. Энергия тапшылығын төмендету, экологиялық мәселелерді шешуден басқа, бұл тұтастай алғанда экономикаға мультипликативті әсер етеді, оның драйвері болады. Тариф белгілеу мәселелері де шешіледі деп күтілуде, бұл бизнес субъектілері үшін маңызды», - деп атап өтті Өңірлік палата директоры Ерқанат Мұсылманбек
Пікір қалдыру:
Пікірлер: